1 - Publius Scipio Nasica, cum adolescens aedilitatem peteret, manumque cujusdam civis Romani rustico opere duratam, more candidatorum, apprehendisset, jocans interrogavit eum, num manibus saepe ambularet : quod dictum a circumstantibus exceptum ad populum manavit, causamque repulsae Scipioni attulit.
 

 2 - Nemo dicere potest utrum Marius in bello hostibus, an in otio civibus fuerit infestior.
 

 3 - Faustulus necessitate compulsus indicavit Romulo quis esset ejus avus, quae mater. Romulus statim, armatis pastoribus, Albam properavit.
 

 4 - Erat inter eos puer adultus regii generis forma insigni. Quo quaesivit Scipio quis esset et cur in castris fuisset? Respondit puer : "Numida sum."
 

 5 - Paulus Aemilius, cum domum suam ad vesperum rediret, filiolam suam Tertiam, quae tunc erat admodum parva, animadvertit tristiculam: "Quid est, inquit, mea Tertia, quid tristis es?" - "Mi pater, inquit illa, Persa, canis mea, periit."
 

 6 - Legatus ad regem rediit : quo cum Pyrrhus quaereret qualem Romam comperisset, respondit urbem templum senatum vero consessum regum esse.
 

 7 - Ego vehemens consul, qui verbo cives in exilium ejicio, quaesivi a Catilina, in nocturno conventu apud Laecam fuisset necne.
 

 8 - Postquam absterso pulvere ac sudore, toga indutus processit Quinctius, dictatorem eum legati gratulantes consalutant, quantus terror in exercitu sit exponunt.
 

 9 - Tulli Cicero, quid agis? Tune Catilinam, quem ducem belli futurum vides Roma exire sinis? Nonne hunc in vincula duces? Quid tandem te impedit? mosne majorum? At persaepe etiam privati in hac re publica perniciosos cives morte multaverunt. An leges de civium Romanorum supplicio rogatae? At numquam in hac urbe, qui a re publica defecerunt, civium jura tenuerunt. An invidiam posteritatis times?